Voir la source de Kig-Ha-Farz (breton)

'''Rekipe evit 6 den'''
[[Image:Kig-ha-farz1.jpg|thumb|Al legumaj]]
''Kig ha farz a zo ur plad ispisial a orin eus Bro-Leon ''

Ret eo kaout legumaj : 

*Pour : teir fourenn, 
*Ognon : daou benn-ognon gant tachoù jenoflez enno, 
*Irvin : div irvinenn, 
*Karotez : ul lur, [[Image:Kig-ha-farz2.jpg|thumb|Ar c'hig]]
*Kaol : ur gaolenn, 
*Chalotez : pemp chalotezenn.

Ar c'hig :

*ul lur kig moc'h (ur pezhiad skoaz pe ur pezhiad arzhell (jarritell) sall)
*ul lur kig bevin
*ur silzigenn dev pe zaou mogeded

Evit aozañ ar farz :

*Laezh (war dro un hanter litrad)
*100g amann evit ober ar farz ha war dro 50g evit al lipig
*un hanter lur bleud gwinizh du
*ur sac'h farz
*daou vi

[[Image:Kig-ha-farz3.jpg|thumb|N°1]]
#'''Lakait en ur gaoter :''' (ur chidourenn) 6 pe 7 litrad dour, ar c'hig bevin, al legumaj hep ar gaolenn, tin, lore, pebr, holen. Leskit an holl da boazhañ e-pad un eurvezh.
#Aozañ ar farz : Soubit ar sac'h goullo en dour evit lakaat neudennoù an danvez da goeñviñ. Lakait da deuziñ 100g. amann en ur gastelodenn, skuilhit warnañ div werennad bouilhoñs legumaj, ha meskit. En ur pod all lakait ar bleud, ar vioù, an amann teuzet, holen. Kemmeskit. Goude-se ouzhpennit al laezh, ken na vo an toaz tev a-walc'h ha berus war an dro. Kargit ar sac'h ha skoulmit anezhañ.[[Image:Kig-ha-farz4.jpg|thumb|N°2]]
#Goude poazherez al legumaj e pad un eurvezh, lakait ar sac'h farz hag ar c'hig moc'h er gaoter ha leskit da boazhañ e-pad un eur hanter ouzhpenn. Farz gwenn: lod ra ivez farz gwenn, memes mod, met bleud gwinizh e vez lakaet e lec'h bleud gwinizh du. Red eo lakaat ouzhpenn ur tammig sukr poultr hag gant rezin pe prunaoz eo gwelloc'h.
#'''Poazherez ar gaolenn :'''Ar gaolenn a vez poazhet en e bart rag lakaat e rafe ar soubenn da drenkañ buan a-walc'h pa vez miret d'ober soub. Troc'hit ar gaolenn ha lakit anezhi da verviñ e-pad 5 pe 6 munutenn  en ur gastelodennad dour sall berv. Diskargit an dour, ha lakit ar gaolenn da boazhañ gant amann, pebr, holen, tin, lore hag ur bannac'h soubenn ma ez eo re sec'h. [[Image:Kig-ha-farz5.jpg|thumb|N°3]]
#'''Aozañ al lipig :'''Drailhit ar chalotez. Poazhit anezho war ur billig gant 50 g. amann ken ma teufen da rousañ.
#'''Lakaat war an daol :''' Tennit ar sac'h farz er-maez ar gaoter ha bruzunit ar farz e-barzh ar sac'h a-raok diskargañ anezhañ en ur plad.[[Image:Kig-ha-farz6.jpg|thumb|N°4]]
#Ne chom nemet tennañ al legumaj hag ar c'hig eus ar gaoter. Memes tra evit ar gaolenn. Rannit ar c'hig a dammoù ingal ha lakait anezho en ur plad e giz ar farz, al legumaj, gant un nebeud bouilhoñs, hep ankounac'haat al lipig. Ar bouilhoñs hag ar bruzunoù legumaj chomet e-barz a hell bezañ servijet e-giz deroù pred pe bezañ dalc'het evit ar soubenn vad an devezhioù da zont !

<!--Consultez l Anti-sèche pour les options de la galerie-->
<center>
<gallery>
Image:Kig-ha-farz7.jpg|N°5
Image:Kig-ha-farz8.jpg|N°6
Image:Kig-ha-farz9.jpg|N°7
</gallery>
</center>

Evit a re a gav ar pladad ur tammig re zruz, bez ez eus ur  stumm all d'ober : ''Pesk ha farz'' eo. Servijit ar farz gant ur tamm pesk fardet  evel ho soñj, da skwer gant ognon Rosko ha gwin gwenn. C'hwek ! Deus ar c'hentaÂ ! Moaien zo ivez da boazhañ ar farz en ur gokotenn gant dour hepken. Kavet e vez ivez farz da brenañ e-barzh ar c'hoñvers.

''An diaporama-man a zo bet aozet gant strollad Eskemm e brezhoneg a en em vod bep yaou goude kreisteiz e Ti An Holl Kerber e Brest.
Ha bremañ : bec'h dei !!! ''
[[Image:Kig-ha-farz10.jpg|center|300px]]

[[Catégorie:Langue bretonne]][[Catégorie:Saint-Pierre]][[Catégorie:Plat chaud]]